കണ്ണേ കണ്‍‌മണി

പുതിയ തലമുറ സമയം ചിലവഴിക്കുന്നത് കമ്പ്യൂട്ടറിന്റെയും, ടെലിവിഷന്റെയും, വീഡിയോ ഗെയിംസിന്റെയുമൊക്കെ മുന്നിലാണ്. ജോലി സമയത്ത് കമ്പ്യൂട്ടറില്‍ കണ്ണും നട്ട് ഇരിക്കുന്നവര്‍ അതു കഴിഞ്ഞ് വീട്ടിലെത്തിയാലോ ടി.വിയില്‍ കണ്ണ് ഒട്ടിച്ചു വെച്ചാണ് ഇരിക്കുന്നത്. ഇതൊക്കെ നമ്മുടെ കണ്ണുകളെ തളര്‍ത്തുന്ന കാര്യം ആരും കാര്യമാക്കാറില്ല. ഇങ്ങനെ കണ്ണുകളെക്കൊണ്ട് അധിക ജോലി ചെയ്യിക്കുന്നത് ഭാവിയില്‍ അന്ധതയ്ക്കു വരെ കാരണമായി തീരാമെന്നാണ് വിദഗ്ദ്ധരുടെ അഭിപ്രായം. കമ്പ്യൂട്ടര്‍ വിഷന്‍ സിന്‍ഡ്രോം എന്നറിയപ്പെടുന്ന നേത്രരോഗം കണ്ണുകളിലെ അസ്വസ്ഥത, കഴുത്തു വേദന എന്നീ ലക്ഷണങ്ങളോടെയാണ് പ്രത്യക്ഷപ്പെടുന്നത്.
കമ്പ്യൂട്ടറിന്റെ ഉപയോഗം ഏകദേശം 20മിനിറ്റ് വരുന്ന ഭാഗങ്ങളായി പരിമിതപ്പെടുത്തി ഇടയ്ക്ക് 5 മിനിറ്റിന്റെയെങ്കിലും ഇടവേളകള്‍ എടുക്കുന്നത് കണ്ണുകളുടെ ആയാസം കുറയ്ക്കും. നല്ല വെളിച്ചമുള്ള സ്ഥലത്തിരുന്നു വേണം കമ്പ്യൂട്ടര്‍ പ്രവര്‍ത്തിപ്പിക്കുവാന്‍. ഒരു മിനിറ്റില്‍ നമ്മള്‍ ശരാശരി 12 പ്രാവശ്യം കണ്ണു ചിമ്മുന്നുണ്ട്. എന്നാല്‍ കമ്പ്യൂട്ടറില്‍ ഉറ്റുനോക്കി ഇരിക്കുമ്പോള്‍ ഇത് 5 തവണയായി കുറയുന്നു. ഇതുമൂലം കണ്ണുകള്‍ വരളുന്നതിന് ഇടയാകുന്നു. പഴങ്ങളുടെയും പച്ചക്കറികളുടെയും ധാരാളമായ ഉപയോഗം കണ്ണുകള്‍ക്ക് ആരോഗ്യം പ്രദാനം ചെയ്യും. രാവിലെയും ഉച്ചയ്ക്കും വൈകുന്നേരവും തണുത്ത ശുദ്ധജലത്തില്‍ മുഖം കഴുകുന്നത് കണ്ണുകളുടെ ആരോഗ്യത്തിനു നല്ലതാണ്.

Close Comments

Comment (1)

Leave a Reply

Your email address will not be published. Required fields are marked *